Noa d’n optocht vaan moandag 3 maart waas de priësoêtreiking en aansloêtend een groêts Carnavalsbal in De Bondszaal. Joekskapel Mekkeluk Zât, de Ericakapel en DJ Tik Tak Theo zurgde vur de juuste sfeer in De Bondszaal, veurafgoand en tijdes de oêtreikingen.
Jeugdpreens Ruben I en Jeugdprinses Lisa I reikte iërst de priëze oêt aan de kiender. Helaas deej d’r ma iëne groep kiender meij, dus de jury haaj ’t dit joar ni zo moëilik as andere joare.
Preens Rudy I deej dit beej de groête meense.
En Vôrs Loek met Ceremoniemeister Bas leidde ok dit joar wèr alles in goije bane….
Noa afloêp vaan de priësoêtreiking kwoam het de fiëstband Sjloetingstied de bühne op. Zeej zurgde same met DJ Tik Tak Theo vur een geweldig moëj fiësje noaderhand in de zaal. De Bondszaal was gewoon te klein, want het daak ging d’r wèr is vaan af….
Een paar foto’s vaan de priësoêtreiking, ziën te bekiëke en te douwnloade via Google Foto’s.
Heeronder de groepsfoto’s vaan de iërste priëswinnaars.
